Er Ajuntament de Bossòst amie a tèrme era revision deth Projècte d’Organizacion Forestau dera montanha Aubàs-Portilhon, CUP-L 278, damb er objectiu de disposar d’un estrument actualizat entara planificacion e era gestion sostenible d’aguest espaci forestau de titolaritat municipau.
Pendent era annaualitat 2026 s’a realizat ua prumèra fasa des trabalhs, qu’includís era division inventariau dera montanha, es trabalhs d’inventari forestau e pastorau, era elaboracion des fiches descriptives des diferenti estrats e era cartografia corresponenta. Aguesta informacion constituís era basa tecnica entà contunhar damb era revision e era planificacion dera gestion forestau.
Era accion compde damb ua ajuda totau concedida de 14.654,84 €, distribuïda entre es annaulitats 2026 e 2027, en marc des ajudes ara gestion forestau sostenible entà finques de titolaritat publica, corresponentes ara intervencion 6881.4 deth Plan estrategic dera PAC 2023-2027. entara annaulitat 2026, er impòrt concedit ei de 2.277,36 €, que 1.298,10 € ne corresponen ath DARPA e 979,26 € ath FEADER.
Aguesta accion permet auançar cap a ua gestion planificada, sostenible e adaptada as caracteristiques des montanhes municipaus de Bossòst, en tot melhorar era coneishença des sòns recorsi e en tot facilitar era prenuda de decisions sus era sua gestion futura.
Accion cofinançada peth Hons Europèu Agricòla de Desvolopament Rurau (FEADER) e peth Departament d’Agricultura, Ramaderia, Pesca e Alimentacion dera Generalitat de Catalonha.
Expedient: ARP_2025_EXP_SGF005_39_7500022
